Mi storia
Traha cu amor na Aruba: Stoel di zoya sostenibel, comodo y duradero
Dies aña pasa mi a traha mi prome stoel di zoya pa mi wela stima. E stoel di zoya a bira su luga preferi: un luga pa conta storia, haci joke y crea memorianan. Aunke mi wela no tey mas cu nos, su memoria ta inspira mi tur dia.
Awor, mi ta contento pa comparti mi pasion cu e comunidad di Aruba! Cada stoel di zoya cu mi ta crea ta diseña cu e persona di edad den mente—dependiente, comodo y facil pa sinta y lanta. Tur hende merece un luga comodo pa relaha y sinti su mes sigur.
Cu sostenibilidad den mente mi ta haci uso di "birch plywood", asina ofreciendo un opcion sostenibel cu no ta kita di su calidad. Mi stoelnan di zoya no ta solamente un mueble; nan ta un creacion diseña pa trece alegria y comodidad pa bo sernan keri.
Celebra tradicion, amor y sostenibilidad hunto cu’mi. Bo stoel di zoya perfecto ta warda’bo!
Mi wela stima
Desde chikito mi a gusta traha cosnan cu mi man. Asina ta cu despues di mi estudio na hulanda ora mi a bin bek Aruba mi interes den carpinteria a cuminsa. Cuminsando cu mueble chikito y simpel cu palo di palet. Na momento cu mi wela su stoel di zoya a cuminsa cai foi otro, ami hunto cu mi ruman homber a dicidi di traha un stoel di zoya pe, uno cu twt fuerte y comodo na unda mi wela por a sinti su mes comodo y sigur. E stoel twt uno fuerte y comodo, pero twt falta un tiki den style. Awo despues di mas cu 10 ana, cu hopi mas experencia (mi a traha un stoel pa mi mama tambe) y confiansa mi a deseña e stoel'i zoya. Un stoel mas moderno, minimalistico y apto pa akinan na Aruba. E ta sinta comodo, e no ta cai bai patras, y ta fasil pa sinta y lanta bek. Mi ta spera cu hopi hende por disfruta di momentonan ameno usando e stoel'i zoya.